ქართული ოცნების იუსტიციის მინისტრი პაატა სალია იქნება

ქართული ოცნების პრემიერმინისტრის ირაკლი კობახიძის თქმით, ე.წ იუსტიციის მინისტრის თანამდებობას პაატა სალია დაიკავებს. მან ეს ბრიფინგზე საკადრო ცვლილებების გამოცხადებისას თქვა.

"საქართველოს იუსტიციის მინისტრის თანამდებობას დაიკავებს ბატონი პაატა სალია. განსაკუთრებული წარდგენა არც მას ჭირდება. ის გახლავთ საქართველოს პარლამენტის მოქმედი წევრი და ერთ-ერთი ყველაზე წარმატებული ადვოკატი, იურისტი საქართველოში. მას იურიდიული განათლება მიღებული აქვს საქართველოსა და ამერიკის შეერთებულ შტატებში"- თქვა კობახიძემ.

დღეს მან საკადრო ცვლილებები დაანონსა. ცვლილებების თანახმად, სახელმწიფო უსაფრთხოების სამსახურის უფროსის თანამდებობაზე ანრი ოხანაშვილი დაინიშნება, სუს-ის უფროსი გრიგოლ ლილუაშვილი კი ახლად ჩამოყალიბებული ე.წ რეგიონული განვითარების სამინისტროს მინისტრი იქნება.