![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
რუსი ოპოზიციონერის, ალექსეი ნავალნის ქვრივი, იულია ნავალნაია რუსეთში "ტერორისტებისა და ექსტრემისტების" სიაში შეიყვანეს.
9 ივლისს ნავალნაიას "ექსტრემისტულ საზოგადოებაში" მონაწილეობისთვის ბრალი წაუყენეს. რუსეთმა ის ძებნაში გამოაცხადა და დაუსწრებლად 2 თვით პატიმრობა შეუფარდა.
"ექსტრემისტული საზოგადოების" საქმე ალექსეი ნავალნისა და მისი თანამებრძოლების წინააღმდეგ 2021 წელს აღიძრა. პირველი, ვინც ამ საქმეზე დააკავეს, ქალაქ უფაში ნავალნის შტაბის ხელმძღვანელი ლილია ჩანიშევა გახდა. მას 9 წლითა და 6 თვით თავისუფლების აღკვეთა მიუსაჯეს.
ამავე საქმეზე, ალექსეი ნავალნის 19 წელი მიუსაჯეს, რის შემდეგაც ის იამალ-ნენთა ავტონომიურ ოლქში მდებარე ციხეში გადაიყვანეს, სადაც დაიღუპა.
იულია ნავალნაია ამბობს, რომ ქმრის საქმეს გააგრძელებს. ამჟამად ის შვილებთან ერთად რუსეთის ფარგლებს გარეთ ცხოვრობს.