იტალიაში ტანსაცმლის ქურდობის ბრალდებით საქართველოს მოქალაქე დააკავეს

იტალიაში ქურდობის ბრალდებით საქართველოს მოქალაქე დააკავეს. შემთხვევა მოდენას პროვინციაში მოხდა.

ადგილობრივი მედიის ინფორმაციით, 39 წლის კაცი მაშინ შენიშნეს, როდესაც ის ავტოფარეხიდან ტანსაცმლის მოპარვას ცდილობდა - ის ავტოფარეხის მეპატრონემ დაინახა და თავადვე დააკავა, მოგვიანებით კი ადგილზე მისულ პოლიციას გადასცა.

ბრალდებული წინასწარი დაკავების იზოლატორში გადაიყვანეს. იტალიური მედიის ცნობით, სასამართლომ საქართველოს მოქალაქეს მოდენას პროვინციაში ცხოვრების უფლება აუკრძალა.