ისრაელმა ალ-შიფას საავადმყოფოდან მიწისქვეშა გვირაბის ვიდეო გაავრცელა
ისრაელის თავდაცვის ძალებმა გამოაქვეყნეს ვიდეო, სადაც მათი თქმით, ჰამასის ტერორისტების მიწისქვეშა გვირაბია ასახული. როგორც ისრაელის არმიაში აცხადებენ, გვირაბი 55 მეტრი სიგრძისაა და თავდაცვის არაერთ მექანიზმს შეიცავს, მათ შორის რამდენიმე ტყვიაგაუმტარ კარს.
OPERATIONAL UPDATE: IDF and ISA forces revealed a significant 55-meter-long terrorist tunnel, 10 meters underneath the Shifa Hospital complex during an intelligence-based operation.
The tunnel entrance contains various defense mechanisms, such as a blast-proof door and a firing… pic.twitter.com/tU4J6BD4ZG
პარალელურად, ისრაელის არმია ავრცელებს საავადმყოფოს შიდა კადრებს, რომელიც მათი ინფორმაციით, ჰამასის თავდასხმის დღით, 7 ოქტომბრით თარიღდება - ვიდეოში ჩანს, როგორ შეჰყავთ მძევლები ალ-შიფას კლინიკაში.
ალ-შიფას საავადმყოფო ღაზის სექტორი ყველაზე დიდი სამედიცინო დაწესებულებაა. ისრაელი აცხადებს, რომ შენობის მიწისქვეშ ტერორისტებს სამხედრო ბაზა აქვთ მოწყობილი, თუმცა ჰამასი ამას უარყოფს.
ისრაელის არმია კლინიკაში 15 ნოემბერს შევიდა - გაეროს ოფიციალური მონაცემებით, ისრაელის ჯარების შესვლამდე საავადმყოფოს 2 300 ადამიანი აფარებდა თავს, მათ შორის პაციენტები, სამედიცინო პერსონალის წარმომადგენლები და მშვიდობიანი მოქალაქეები.
