იოსელიანი: ალეკო ჩემთან ერთადაა, თავს ნორმალურად გრძნობს

"ალეკო ჩემთან ერთადაა! თავს ნორმალურად გრძნობს, დანარჩენზე თავად ისაუბრებს", - ამის შესახებ ფეისბუქგვერდზე სახალხო დამცველი ლევან იოსელიანი წერს.

მოქალაქეების ლიდერი ალეკო ელისაშვილი კანცელარიასთან პოლიციამ მანქანაში ჩასვა და ადგილიდან გაიყვანა.

მოქალაქეებმა კანცელარიასთან მსვლელობით პარლამენტიდან რამდენიმე საათის წინ გადაინაცვლეს და პრემიერმინისტრ ირაკლი კობახიძესთან შეხვედრას ითხოვენ. აქცია ამ დრომდე გრძელდება.