ინგლისში, ლინკოლნშირში კარვების პარკში გაჩენილ ხანძარს ორი ადამიანი ემსხვერპლა

ინგლისში, ლინკოლნშირში მდებარე Goldenbeach Holiday Park-ში ხანძარს ორი ადამიანის სიცოცხლე ემსხვერპლა. საგანგებო სამსახური შემთხვევის ადგილზე შაბათს დილით, დაახლოებით 03:53 საათზე გამოიძახეს — აღნიშნულია ლინკოლნშირის პოლიციის განცხადებაში.

პოლიციის განცხადებით, ხანძრის მიზეზზე გამოძიება საწყის ეტაპზეა და სამართალდამცველები ყველა შესაძლო ვერსიას განიხილავენ. პოლიციის ცნობით, დაღუპულთა ახლობლებს ინფორმაცია უკვე მიაწოდეს და მათთან სპეციალურად მომზადებული ოფიცრები მუშაობენ.

ხანძრის შემდეგ, National Grid-ის ინჟინრებმა ელექტრომომარაგება დროებით გათიშეს, რათა პოლიციასა და სახანძრო სამსახურს უსაფრთხოდ ჩაეტარებინათ გამოძიება.

"ჩვენ მაქსიმალურად ვეცდებით, რაც შეიძლება მალე აღვადგინოთ ელექტროენერგიის მიწოდება იმ 50 მომხმარებლისთვის, რომლებიც ხანძრის გამო დროებით დარჩნენ ელექტროენერგიის გარეშე," — განაცხადეს National Grid-ში.