გორში აქტივისტი იოსებ ბაბაევი დააკავეს

სახელმწიფო უსაფრთხოების სამსახურმა გორში სამოქალაქო აქტივისტი იოსებ ბაბაევი დააკავა. დაკავება, სავარაუდოდ, უკანონო იარაღის საკითხს უკავშირდება.

როგორც ფორმულასთვის გახდა ცნობილი, იოსებ ბაბაევის სახლში ჩხრეკა ჩატარდა, თუმცა სუს-ის თანამშრომლებმა იარაღი ვერ აღმოაჩინეს.

იოსებ ბაბაევი აქტიურად მონაწილეობს რუსული კანონის საწინააღმდეგო საპროტესტო აქციებში. ოჯახის წევრები და ახლობლები მის დაკავებას სწორედ ამას უკავშირებენ.

ფორმულა დამატებით დეტალებს მიღებისთანავე შემოგთავაზებთ.