გერმანიის განათლების სამინისტრომ საქართველოსთან სამეცნიერო თანამშრომლობის განახლება გაყინა
საქართველოში გერმანიის ელჩის პიტერ ფიშერის ცნობით, გერმანიის განათლებისა და მეცნიერების სამინისტრომ გერმანია-საქართველოს სამეცნიერო თანამშრომლობის განახლება გაყინა.
მისი თქმით, ეს მოიცავს სტუდენტების მობილობას, კვლევას და ევროკავშირი-საქართველოს პროგრამებს.
ელჩი მიზეზად "საქართველოს მიერ აკადემიური თავისუფლების შეზღუდვასა და ევროკავშირში გაწევრიანების პროცესის შეჩერებას" ასახელებს.
"გერმანიის განათლებისა და მეცნიერების სამინისტრომ გაყინა გერმანია-საქართველოს სამეცნიერო თანამშრომლობის განახლება, რაც მოიცავს სტუდენტების მობილობას, კვლევას და ევროკავშირი-საქართველოს პროგრამებს - საქართველოს მიერ აკადემიური თავისუფლების შეზღუდვისა და ევროკავშირში გაწევრიანების პროცესის შეჩერების გამო. ქართველები, რომლებმაც ისწავლეს გერმანიის უნივერსიტეტებში, ძირითადად გერმანული სტიპენდიების დახმარებით, აცნობიერებენ ამ დანაკარგს", - წერს პიტერ ფიშერი X-ზე.
ელჩი აზუსტებს, რომ ეს შეზღუდვა ჯერჯერობით არ ეხება გერმანიის განათლებისა და მეცნიერების სამინისტროს მიმდინარე დაფინანსებას საქართველოსთვის, რაც დაახლოებით 1 მილიონ ევროს შეადგენს.
ის ამბობს, რომ ეს ჯერ არ ეხება გერმანიის "გულუხვ სასტიპენდიო პროგრამებს, მაგალითად, DAAD-ს" და აღნიშნავს, რომ "გერმანია აგრძელებს ვითარების მონიტორინგს და, სამწუხაროდ, განიხილავს საქართველოსთან ურთიერთობის ყველა ასპექტის გადახედვას".
Minister for Education & Research @BMBF_Bund has frozen upgrade of science co-op, incl. student mobility, research & in programs - due to curbs on academic freedom & halt of EU accession. Georgians who attended unis - mostly on scholarships- know the loss. pic.twitter.com/DxXZiujFxa
პოპულარული სიახლეები
