გახარია 4 ოქტომბრის აქციის ორგანიზატორებსა და მხარდამჭერ პარტიებს უპასუხიმგებლოს უწოდებს

"საქართველოსთვის" ლიდერმა, გიორგი გახარიამ ფორმულას ეთერში 4 ოქტომბრის არჩევნებსა და დაგეგმილ აქციაზე ისაუბრა.

კითხვაზე, საჭიროა თუ არა არსებული ბერკეტების გამოყენება "ოცნების" ხელისუფლების ჩასანაცვლებლად მანამ, სანამ პოლიტიკური აქტივობა შეუძლებელი არ გახდება, გახარიამ განაცხადა, რომ "ყველაფერი შეიძლება მოხდეს."

კერძოდ, იგი არ ემხრობა 4 ოქტომბერს დაგეგმილი აქციის გეგმას და მის ორგანიზატორ და მხარდამჭერ პარტიებსა და პოლიტიკოსებს უპასუხისმგებლოს უწოდებს.

იგი ირწმუნება, რომ საქართველოს მოსახლეობას ხელისუფლების მშვიდობიანი ცვლილება სურს, შესაბამისად, განაცხადა, რომ ოპოზიციის იმ ნაწილს, რომელიც არჩევნებს ბოიკოტს უცხადებს, ამ პროცესში მონაწილეობა უნდა მიეღო.

"ყველაფერი შეიძლება მოხდეს, ასევე შეიძლება 1 დღეში დავამთავროთ და ეს ქვეყანა გავაუბედუროთ. ეს რისკი ვინმემ შეაფასა? ზოგი ამბობს, რომ ხვალ დილით დავიწყებთ და საღამოს დავამთავრეობთო. მერე არიან ადამიანები რომლებიც ამბობენ, რომ ყველაფერი დამოკიდებულია იმაზე, თუ რამდენი ადამიანი გამოვა აქციაზეო და კიდე ბევრ რამეს ამბობენ. კიდევ ერთი კოჰორტაა ადამიანების, რომლებიც სეირის მაყურებლები არიან და გვერდიდან უყურებენ პროცესს - ვერ გაუგიათ - იქაც მიდიან, აქაც მიდიან. ეს ყველაფერი, სამწუხაროდ, არის უპასუხიმგებლობაა ჩემთვის. სამწუხაროა ის უუნარობა, რომელსაც ეს ოპოზიციის დიდი ნაწილი ავლენს. უპასუხისმგებლობაა, რომ დილით დავიწყებთ და საღამოს დავამთავრებთო - ასე მარტივად ყურება და ადაიმანების ბედზე თამაში, ეს ჩემთვის წარმოუდგენელია.

მე მესმის ყველაფერი, მაგრამ ადამიანები, დღეს გამოდიან და ბოიკოტს უჭერენ მხარს. მაშინ როდესაც ყველამ ძალიან კარგად იცის, რომ საპარლამენტო არჩევნებზე, მაგალიტად თბილისში ოპოზიციამ ერთად მიიღო 290 000 ხმა და ოცმებამ მიიღო მხოლოდ 260 000 ხმა, ამიხსენით, თუ მართლა სამშობლოსთვის იბრძივიან და თუ ქვეყნის დემოკრატიზაციის გადარჩენა უნდათ, მაშინ მოგებულ არჩევნებში, რომლებიც ერთი წლის უკან მოვიგეთ, რატომ არ იღებენ მონაწილეობას?", - განაცხადა გახარიამ.