დღევანდელი დღე ვაშინგტონში საქართველოს დამოუკიდებლობის დღედ გამოცხადდა
აშშ-ის დედაქალაქის, ვაშინგტონის მერი მარიელ ბაუზერი საქართველოს დამოუკიდებლობის დღეს ულოცავს. ამის შესახებ ინფორმაციას აშშ-ში საქართველოს საელჩო ავრცელებს.
მათივე ცნობით, ვაშინგტონის მერის გადაწყვეტილებით, მიმდინარე წლის 26 მაისი ვაშინგტონში საქართველოს დამოუკიდებლობის დღედ გამოცხადდა.
საელჩო ასევე აქვეყნებს ვაშინგტონის მერის მიერ ხელმოწერილ ოფიციალურ დოკუმენტს.
