ბუდანოვი: რუსეთი ვერასდროს შეძლებს უკრაინის განადგურებას

უკრაინის დაზვერვის მთავარი სამმართველოს ხელმძღვანელის, კირილ ბუდანოვის თქმით, რუსეთი ვერასდროს შეძლებს უკრაინის განადგურებას. ამის შესახებ მან საშობაო მიმართვისას განაცხადა.

"კრემლის ტერორისტულ-საოკუპაციო რეჟიმი ვერასოდეს განახორციელებს თავის მზაკვრულ გეგმებს ჩვენი სახელმწიფოებრიობის, ტრადიციებისა და იდენტობის განადგურების მიზნით.

უკრაინელები ძლიერი ხალხია, რომელთაც თავისუფლებისა და დამოუკიდებლობის გზაზე ყველაფრის გადალახვა შეუძლიათ", - ამბობს ბუდანოვი.

ამასთან, ბუდანოვმა იმედი გამოთქვა, რომ 2024 წელი უკრაინელი დამცველების უწყვეტი ბრძოლის, გმირობისა და გამბედაობის წელი იქნება, რომელიც უკრაინას ნანატრ გამარჯვებას მოუტანს.