ბრიტანეთი ახალ სანქციებს უწესებს რუსეთს და აძლიერებს მხარდაჭერას უკრაინისთვის

დიდი ბრიტანეთის პრემიერ-მინისტრმა, კეირ სტარმერმა, G7-ის სამიტზე კანადაში რუსეთის წინააღმდეგ ახალი ეკონომიკური სანქციები წარადგინა. ახალი 30 სანქცია რუსულ ფინანსურ, სამხედრო და ენერგეტიკულ სექტორებს მოიცავს და მიზნად ისახავს პუტინის აგრესიის შეჩერებას.

მთავარი ზომები:

• სანქციები მოიცავს 20 რუსული ნავთობის ტანკერისა და მათ მფლობელ კომპანიების, Orion Star Group LLC და Valegro LLC-FZ-ის, საქმიანობის შეზღუდვას, რომლებიც პუტინის “ჩრდილოვან ფლოტს” ემსახურებიან.
• მიზანში ამოღებულია რუსეთის სამხედრო შესაძლებლობები, მათ შორის წყალქვეშა დაზვერვის სააგენტო (GUGI), რომელიც საფრთხეს უქმნის საზღვაო ინფრასტრუქტურას.
• ბრიტანეთში მცხოვრები ვლადიმერ პრისტუპასა და ოლეჩ ტკაჩის სანქცირება, რომლებმაც 120 მილიონ დოლარზე მეტი ღირებულების ტექნოლოგიური ელექტრონიკა მიაწოდეს რუსეთს პუტინის ომის დასახმარებლად.

„ეს სანქციები პუტინის ომის მანქანას უშუალოდ ურტყამს, რაც მას უკრაინის წინააღმდეგ ბარბაროსული ომის გაგრძელებას ურთულებს. ჩვენ არ შევაჩერებთ ამ ზეწოლას, სანამ რუსეთი მშვიდობაზე უარს იტყვის", - განაცხადა პრემიერ მინსიტრმა.

დიდი ბრიტანეთი ასევე გეგმავს პარტნიორებთან ერთად ნავთობის ფასის შეზღუდვის მექანიზმის გამკაცრებას, რაც რუსეთის ბიუჯეტს მნიშვნელოვან ზიანს მიაყენებს და ენერგეტიკულ ბაზარზე სტაბილურობას შეუნარჩუნებს.

"დღევანდელი სანქციები აჩვენებს, რომ ჩვენ მიზანმიმართულად ვაფერხებთ პუტინის ჩრდილოვანი ქსელის მუშაობას, ვუჭერთ მხარს უკრაინას და არ ვაპატიებთ უდანაშაულო ადამიანების სიცოცხლის დაკარგვას", - აღნიშნა საგარეო საქმეთა მინისტრმა, დევიდ ლემიმ.