აზერბაიჯანისა და სომხეთის ლიდერები ერთმანეთს ხვალ შეხვდებიან
აზერბაიჯანისა და სომხეთის ლიდერები, ილჰამ ალიევი და ნიკოლ ფაშინიანი ერთმანეთს ხვალ, აბუ-დაბიში შეხვდებიან.
მოსალოდნელია, რომ ორ ქვეყანას შორის სამშვიდობო შეთანხმებაც გაფორმდეს.
ამის შესახებ გუშინ ისაუბრა აშშ-ის სახელმწიფო მდივანმა მარკო რუბიომ.
„იმედი გვაქვს, რომ ძალიან მალე მოხდება სამშვიდობო შეთანხმების გაფორმება აზერბაიჯანსა და სომხეთს შორის", - თქვა მან.
უნდა აღინიშნოს, რომ ბოლო პერიოდში დიპლომატიური მოლაპარაკებები ბაქოსა და ერევანს შორის აქტიურ ფაზაში იმყოფება.
