აფგან სადიგოვს საქართველოში თავშესაფრის მინიჭებაზე უარი უთხრეს
საქართველოში საექსტრადიციო პატიმრობაში მყოფ აზერბაიჯანელ ჟურნალისტ მიგრაციის დეპარტამენტმა საერთაშორისო თავშესაფრის მინიჭებაზე უარი უთხრა. დოკუმენტის ჩაბარების შემდეგ დაცვის მხარე გადაწყვეტილების გასაჩივრებას აპირებს. აზერბაიჯანული მედიაგამოცემა Azel.Tv-ის მთავარი რედაქტორი აფგან სადიგოვი აგვისტოს დასაწყისში თბილისში დააკავეს. საქართველოში ის შარშან დეკემბერში ჩამოვიდა და დაკავებამდე ორი კვირით ადრე ქვეყნის დატოვება უნდოდა, მაგრამ აეროპორტში ამის საშუალება არ მისცეს. 4 აგვისტოს თბილისის საქალაქო სასამართლომ სადიგოვს სამთვიანი საექსტრადიციო პატიმრობა შეუფარდა. ჟურნალისტის ცოლი სევინჩ სადიგოვა ფორმულასთან აცხადებს, რომ მიგრაციის სამსახურის გადაწყვეტილება უსამართლოა და საქართველოს ხელისუფლება აზერბაიჯანის პირველი პირის ინსტრუქციით მოქმედებს.
