აქციის მონაწილეების ნაწილმა რუსთაველიდან ჭავჭავაძეზე გადაინაცვლა

აქციის მონაწილეების ნაწილმა რუსთაველიდან ჭავჭავაძის გამზირისკენ გადაინაცვლა - ისინი ვაკის პარკის მიმართულებით, მსვლელობას აწყობენ.

მათ დაკავებული აქვთ საავტომობილო გზის ნაწილი.

საპოლიციო ძალებმა რუსთაველის გამზირზე შეკრებილი მომიტინგეები დაშალეს. დედაქალაქის ცენტრალური გამზირიდან გადაიყვანეს როგორც ოპერასთან შეკრებილი დემონსტრანტები, ისე მეტრო რუსთაველის მიმდებარედ მყოფი პირები.

სპეცრაზმი აქციის მონაწილეებს ძალის გამოყენებით შლიდა და აკავებდა - რობოკოპებმა მშვიდობიანი აქციის რამდენიმე მონაწილე დააკავა.

აქციის მონაწილეებს დაედევნნენ მეტროსადგურ რუსთაველშიც.