ISW: უკრაინელები წარმატებით იგერიებენ ოკუპანტების თავდასხმებს ავდიივკას დასავლეთით

ომის კვლევის ამერიკული ინსტიტუტის (ISW) ცნობით, უკრაინელი ჯარისკაცები წარმატებით იგერიებენ ოკუპანტების თავდასხმებს ავდიივკას დასავლეთით.

"უკრაინელი ჯარისკაცები წარმატებით იგერიებენ რუსი ოკუპანტების თავდასხმებს ავდიივკას დასავლეთით.

ერთ-ერთი რუსი "სამხედრო კორესპონდენტი" იტყობინება, რომ ზოგიერთ რუსულ ქვედანაყოფს არ აქვს საკმარისი რაოდენობის ყუმბარმტყორცნები, რასაც ხშირ შემთხვევაში, ისინი ჯავშანტექნიკის გასანადგურებლად იყენებენ", - ნათქვამია განცხადებაში.

ბოლო რამდენიმე თვეა ავდიივკაში ინტენსიური ბრძოლები მიმდინარეობს. რუსეთის საოკუპაციო არმია ქალაქზე მასიურ შეტევებს ახორციელებს.