ISSA-ს კვლევა: გამოკითხულთა 52%-მდე სამართლიანად მიიჩნევს აშშ-ის სანქციებს ივანიშვილის მიმართ

სოციალური კვლევისა და ანალიზის ინსტიტუტი (ISSA) ქვეყანაში მიმდინარე პროცესებთან დაკავშირებით საქართველოს მოსახლეობის განწყობების კვლევას აქვეყნებს.

კვლევის თანახმად, გამოკითხულთა 52%-მდე სამართლიანად მიიჩნევს აშშ-ის მიერ დაწესებულ სანქციებს ბიძინა ივანიშვილის მიმართ, ხოლო თითქმის ამდენივე - შსს მაღალჩინოსნების მიმართ.

რაოდენობრივი კვლევა ჩაატარა სოციალური კვლევისა და ანალიზის ინსტიტუტმა (ISSA). საველე სამუშაოები ჩატარდა 2025 წლის 18-30 იანვრის შუალედში და პირისპირ ინტერვიუს მეთოდით გამოიკითხა 2000 რესპონდენტი. გამოკითხულია საქართველოს სრულწლოვანი (18+) მოსახლეობა. ცდომილებაა +- 2.2%, 95%-იანი სანდოობით.

სოციალური კვლევისა და ანალიზის ინსტიტუტი (ISSA) არის კვლევითი ორგანიზაცია, რომელიც ფუნქციონირებს 2000 წლიდან. ორგანიზაცია ატარებს როგორც რაოდენობრივ, ისე თვისებრივ კვლევებს.