![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
ევროკავშირი მომავალ კვირას უკრაინას მაკროფინანსური დახმარების სახით 4.5 მილიარდ ევროს გამოუყოფს. ამის შესახებ ევროკომისარმა საბიუჯეტო საკითხებში, იოჰანეს ჰანმა განაცხადა.
"ჩვენ მხარს ვუჭერთ უკრაინას და ამით ვახორციელებთ ინვესტიციას ჩვენს უსაფრთხოებაში", - წერს ევროკომისარი სოციალურ ქსელში.
27 თებერვალს, ევროპარლამენტმა უკრაინისთვის 50 მილიარდი ევროს გამოყოფას მხარი დაუჭირა. მაკროფინანსური დახმარების პაკეტი ევროპარლამენტმა ხმათა უმრავლესობით - 536 ხმით დაამტკიცა. წინააღმდეგი 40 ევროპარლამენტარი იყო, 39-მა კი თავი შეიკავა.
1 თებერვალს, ევროკავშირის ლიდერებმა უნგრეთის წინააღმდეგობა დაძლიეს და უკრაინისთვის 50 მილიარდი ევროს ღირებულების მაკროფინანსური დახმარების გამოყოფაზე კონსენსუსს მიაღწიეს.