ECHR: რუსეთი პასუხისმგებელია უკრაინის თავზე მალაიზიური რეისის MH17-ის ჩამოგდებაზე

ევროპის ადამიანის უფლებათა სასამართლომ (ECHR) დაადგინა, რომ რუსეთი პასუხისმგებელია 2014 წლის 17 ივლისს, აღმოსავლეთ უკრაინის თავზე მალაიზიური რეისის MH17-ის ჩამოგდებაზე და თვითმფრინავში მყოფი 298 ადამიანის, მათ შორის 196 ჰოლანდიელის გარდაცვალებაზე.

სასამართლომ ასევე აღნიშნა, რომ რუსეთის მხრიდან გამოძიების დაბრკოლება და პასუხისმგებლობის უარყოფა დამატებით ზიანს აყენებდა დაღუპულთა ოჯახებს.

საერთაშორისო სასამართლომ რუსეთს ადამიანის უფლებათა ევროპული კონვენციის ოთხი მუხლის დარღვევისთვის დააკისრა პასუხისმგებლობა: სიცოცხლის უფლების შინაარსობრივი და პროცესუალური დარღვევა (მუხლი 2), არაადამიანური მოპყრობა (მუხლი 3) და ეფექტური სამართლებრივი დაცვის უფლების უარყოფა (მუხლი 13).

ჰოლანდიის საგარეო საქმეთა მინისტრმა კასპარ ველდკამპმა გადაწყვეტილებას „მნიშვნელოვანი ნაბიჯი სამართლიანობის გზაზე“ უწოდა.

მომდევნო ეტაპზე სასამართლო იმსჯელებს ზიანის ანაზღაურებასა და შესაბამის კომპენსაციებზე.