Civil.ge: ევრობარომეტრის კვლევა, რომლითაც EU-ის მიმართ ნდობა შემცირებულია, GORBI-მ ჩაატარა

ევრობარომეტრის კვლევა, რომლის მიხედვითაც, საქართველოში ევროკავშირის მიმართ ნდობა 9%-ით შემცირდა და 2025 წლის მარტ-აპრილში 49% შეადგინა - GORBI-ს ჩატარებულია.

ინფორმაციას Civil.ge ავრცელებს და აცხადებს, რომ GORBI-მ მათთან კვლევის საქართველოში ჩატარება დაადასტურა.

GORBI საზოგადოებრივი აზრის კვლევის საერთაშორისო ორგანიზაციაა, რომელიც სამთავრობო ტელეარხ Imedi-ს დაკვეთით წინასაარჩევნო კვლევებისა და ეგზიტპოლებს ამზადებს.

ევრობარომეტრის მიერ 3 მაისს გამოქვეყნებული კვლევის თანახმად, ევროკავშირის მიმართ ნდობა საქართველოში 9 პროცენტული ერთეულით შემცირდა და 2025 წლის მარტ-აპრილში 49% შეადგინა, მაშინ როცა 2023 წლის შემოდგომაზე 58% იყო.

ამავე კვლევის მიხედვით, ევროკავშირისადმი ნდობა თავად წევრ ქვეყნებში გაიზარდა და 52%-ს მიაღწია — რეკორდულ მაჩვენებელს 2007 წლის შემდეგ.