"570 ლარის ზიანი გამოიწვია" - პროკურატურამ ხოშტარიას ბრალი წარუდგინა

პროკურატურის ინფორმაციით, კოალიცია ცვლილებისთვის ერთერთ ლიდერს, ელენე ხოშტარიას კახა კალაძის ბანერის დაზიანების საქმეზე ბრალი წარუდგინეს.

ხოშტარიას ბრალი წარედგინა სისხლის სამართლის კოდექსის 187-ე მუხლის პირველი ნაწილით (სხვისი ნივთის დაზიანება, რამაც მნიშვნელოვანი ზიანი გამოიწვია), რაც 1-დან 5 წლამდე პატიმრობას ითვალისწინებს.

"გამოძიებით დადგინდა, რომ ხოშტარიამ განზრახ დააზიანა ქართული ოცნების საარჩევნო შტაბზე განთავსებული სამი ბანერი, რამაც გამოიწვია ქონებრივი ზიანი 570 ლარის ოდენობით", - წერს პროკურატურა.

ხოშტარია გუშინ, 15 სექტემბერს დააკავეს.