მკლავჭიდელ ხატია ვიბლიანს არასრულწლოვნის მიმართ ძალადობაზე ბრალი წარუდგინეს
პროკურატურის ინფორმაციით, მკლავჭიდელ ხატია ვიბლიანს არასრულწლოვნის მიმართ ძალადობის ფაქტზე ბრალი წარუდგინეს.
უწყების ცნობით, 11 სექტემბერს, თბილისში, ერთ-ერთ მაღაზიაში ბრალდებულმა ფიზიკური შეურაცხყოფა მიაყენა არასრულწლოვანს, შემდეგ კი მაღაზიის მიმდებარედ გააგრძელა მასზე ფიზიკური ძალადობა.
მათი ინფორმაციით, მას ბრალი სისხლის სამართლის კოდექსის 126-ე მუხლის პირველი პრიმა ნაწილის "ა" ქვეპუნქტით (ცემა, რამაც დაზარალებულის ფიზიკური ტკივილი გამოიწვია, მაგრამ არ მოჰყოლია სისხლის სამართლის კოდექსის 120-ე მუხლით გათვალისწინებული შედეგი, ჩადენილი წინასწარი შეცნობით არასრულწლოვნის მიმართ) წარედგინა, რაც 2 წლამდე პატიმრობას ითვალისწინებს.
რამდენიმე დღის წინ სოციალურ ქსელში გავრცელდა ვიდეო, რომელშიც ჩანს, რომ ქალს არასრულწლოვანი კედელთან ყავს მიმწყვდეული და მასზე ძალადობს.
