ჟინვალი-ბარისახო-შატილის გზის მონაკვეთებზე მოძრაობა აღდგა

საავტომობილო გზების დეპარტამენტის ცნობით, ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ჟინვალი-ბარისახო-შატილის საავტომობილო გზის 90-ე და 79-ე კმ-ებზე ავტოტრანსპორტის მოძრაობა თავისუფალია.

ამ მონაკვეთზე მოძრაობა დღეს შეიზღუდა - მიზეზი ღამის წვიმების შედეგად, მიწის მასის ჩამოშლა დასახელდა.

გუშინ, ჩატარებული გაწმენდითი სამუშაოების შედეგად, საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის მე-40 და 56-ე კმ-ებზე ყველა სახის ავტოტრანსპორტის მოძრაობა აღდგა.

ამ დრომდე, ტრანსპორტის მოძრაობა ამ მონაკვეთზე სრულად აკრძალული იყო - დეპარტამენტის განცხადებით, გზის აღნიშნული მონაკვეთი უხვი ნალექის გამო ადიდებულმა მდინარე ლესამ დააზიანა.

მანამდე მოძრაობა ცალმხრივად აღდგა შიდასახელმწიფოებრივი მნიშვნელობის შუხუთი-აცანა-მამათი-ძიმითის საავტომობილო გზის მე-2 და მე-12 კმ-ებზე.