ზელენსკიმ შეიარაღებული ძალების მთავარსარდლის და გენშტაბის უფროსის მოადგილეები დანიშნა

უკრაინის პრეზიდენტმა, ვოლიდიმირ ზელენსკიმ შეიარაღებული ძალების მთავარსარდლის და გენერალური შტაბის უფროსის ახალი მოადგილეები დანიშნა.

ამის შესახებ მან ყოველდღიური ვიდეომიმართვისას განაცხადა. ზელენსკის თქმით, ახალ პასუხისმგებლობას იკისრებენ ის ადამიანები, რომლებმაც კარგად იციან, რა სჭირდება ჯარს.

"პოლკოვნიკი ვადიმ სუხარევსკი - მისი ყურადღება გამახვილებულია უპილოტო სისტემებზე და ჩვენი ჯარისკაცების მიერ თვითმფრინავების გამოყენების განვითარებაზე. პოლკოვნიკი ანდრეი ლებედენკო - მისი ყურადღება გამახვილებულია ინოვაციებზე, კონკრეტულად, არმიისა და საბრძოლო სისტემების ტექნოლოგიურ კომპონენტზე. ისინი დაინიშნენ მთავარსარდლის, ოლექსანდრ სირსკის მაოდგილეებად. საჭიროა მკაფიო პრაქტიკა ახალი ტექნოლოგიებით.

ბრიგადის გენერალი, ვლადიმერ გორბატიუკი - მისი ყურადღება კონცენტრირებულია ოპერატიულ მუშაობაზე, პერსონალის მუშაობაზე, დაგეგმვაზე, მენეჯმენტზე. ბრიგადის გენერალი, ალექსეი შევჩენკო - მისი მიმართულებაა ლოჯისტიკა, რაც უზრუნველყოფს ჩვენს ჯარში ლოჯისტიკური მხარდაჭერის მაქსიმალურ ხარისხს. ბრიგადის გენერალი, მიხაილ დრაპატი - ის იქნება პასუხისმგებელი ჩვენი სამხედროების ხარისხიან მომზადებაზე. ისინი უკრაინის შეიარაღებული ძალების გენერალური შტაბის უფროსის მოადგილეებად დაინიშნენ.

სამხედრო მეთაურების, საბრძოლო ბრიგადების, ჩვენი ქვედანაყოფების რეალური გამოცდილება, რომლებმაც შექმნეს ჯარისკაცების მომზადების მაღალი ხარისხის სისტემა, საბრძოლო მოქმედებების შეფასებისა და ანალიზისთვის - ეს ყველაფერი საჭიროა უკრაინის შეიარაღებული ძალების წარმატებისთვის", - თქვა ზელენსკიმ.

9 თებერვალს, ვოლოდიმირ ზელენსკიმ გენერალური შტაბის ახალი უფროსი დანიშნა. სერგეი შაპტალას გენერალ-მაიორი, ანატოლი ბარგილევიჩი შეცვლის. მანამდე, ზელენსკიმ შეიარაღებული ძალების ახალ მთავარსარდლად გენერალ-პოლკოვნიკი ოლექსანდრ სირსკი დანიშნა, რომელიც ვალერი ზალუჟნის შეცვლის.