უშბაზე მთამსვლელი ნიკო ფალიანი დაიღუპა

საგანგებო სიტუაციების მართვის სამსახურის ცნობით, სვანეთში, უშბის მთაზე ქვეითად გადაადგილდებოდა 4 პირი, რომელთაგან ერთ-ერთი მათგანი გადავარდა სიმაღლიდან. დაღუპულია 29 წლის ნიკო ფალიანი.

"უმოკლეს დროში, მეხანძრე-მაშველების მიერ მოხდა ძებნა-შველის ღონისძიების დაგეგმვა და თბილისიდან გაფრინდა სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების ჯგუფთან ერთად.

მეხანძრე-მაშველების მიერ, 3600 მეტრის სიმაღლეზე, სამაშველო ღონისძიების ფარგლებში მოხდა 3 პიროვნების უვნებლად აყვანა ვერტმფრენში და გარდაცვლილი პიროვნების ცხედრის ნახვა.

გარდაცვლილი მამაკაცის ცხედარი ჩასვენებულია მესტიაში", - ნათქვამია განცხადებაში.