უფლებები საქართველო: აქციაზე დაკავებული, ნაცემი მოქალაქის მდგომარეობა სასამართლოზე გაუარესდა

ორგანიზაცია უფლებები საქართველოს ცნობით, აქციაზე დაკავებული მოქალაქე, რომლის სასამართლოც 2 დეკემბრის 00:30 საათამდე მიმდინარეობდა, პროცესზე შეუძლოდ გახდა და კლინიკაში გადაიყვანეს.

ორგანიზაციის ცნობით, დაკავებული და ნაცემი ა.ტ აცხადებდა, რომ ჰქონდა თავის ტკივილი, თუმცა იზოლატორის თანამშრომლებმა არ უზრუნველყვეს მისი კლინიკაში გადაყვანა.

დაკავებულის ინტერესებს უფლებები საქართველო იცავს. ის 30 ნოემბერს აქციის ძალადობრივად დაშლისას დააკავეს და ნაცემ მდგომარეობაში გადაიყვანეს დროებითი მოთავსების იზოლატორში.