უკრაინის საჰაერო ძალებმა ღამით 119 რუსული დრონიდან 73 ჩამოაგდეს

უკრაინის საჰაერო თავდაცვის ძალებმა რუსული ძალების მიერ ღამით გაშვებული 119 საბრძოლო დრონიდან 73 ჩამოაგდეს, - ინფორმაციას უკრაინის საჰაერო ძალები ავრცელებს.

დამატებით 37 დრონი "ლოკაციურად დაკარგულად" გამოცხადდა.

რუსეთმა უპილოტო საფრენი აპარატები შემდეგი რეგიონებიდან გაუშვა: ორელი, მილეროვო, კურსკი, ბრიანსკი, პრიმორსკო-ახტარსკი და ანექსირებული ყირიმის ჩაუდას რაიონი.

დრონები წარმატებით ჩამოაგდეს უკრაინის რამდენიმე ოლქში, მათ შორის: ხარკოვის, პოლტავას, სუმის, ჩერნიგოვის, ჩერკასის, კიევის, კიროვოგრადის, ჟიტომირის, ხმელნიცკის, დნიპროპეტროვსკის, ზაპოროჟიასა და მიკოლაივის რეგიონებში.