უკრაინის გენშტაბი: გუშინ, მარინკას მახლობლად მტრის 14 შეტევა მოვიგერიეთ

უკრაინის შეიარაღებული ძალების გენერალური შტაბის ცნობით, გუშინ, უკრაინელმა დამცველებმა მარინკას მახლობლად მტრის 14 შეტევა მოიგერიეს.

"გასული დღის განმავლობაში, მტერმა 31 საჰაერო დარტყმა განახორციელა, მრავალჯერადი სარაკეტო სისტემებიდან კი 47. ამასთან, უკრაინის მასშტაბით მტრის საჰაერო და სარაკეტო დარტყმების საფრთხე რჩება.

მტერი აგრძელებს თავისი ძირითადი ძალისხმევის ფოკუსირებას ლუჰანსკისა და დონეცკის სრულ ოკუპაციაზე. გასული დღის განმავლობაში, 26 საბრძოლო შეტაკება მოხდა", - აცხადებს უკრაინის შეიარაღებული ძალების გენერალური შტაბი.

გენშტაბის თქმით, ომის დაწყებიდან დღემდე, რუსეთმა უკრაინაში 216 650 ჯარისკაცი დაკარგა. გენერალური შტაბი აცხადებს, რომ უკრაინულმა მხარემ სხვადასხვა რუსული სამხედრო ტექნიკა გაანადგურა.