"თქვენ კიდევ ბევრს გააკეთებთ საკუთარი ქვეყნისთვის" - კარა-მურზა სააკაშვილს წერილს უგზავნის

რა თქმა უნდა, ამჟამინდელი ქართული ნახევრად-პუტინი ხელისუფლება დიდი ხნით არ არის და თქვენ კიდევ ბევრს გააკეთებთ თქვენი ქვეყნისთვის. გაუფრთხილდით საკუთარ თავს მაქსიმალურად, იზრუნეთ ჯანმრთელობაზე. წინ ბევრი საქმეა და ძალა აუცილებლად დაგჭირდებათ.

ჩვენ კი, რუსეთში გარდაუვალი კოლაფსის შემდეგ, სადამდეც პუტინის რეჟიმი მიიყვანს ქვეყანას, მოგვიწევს ყველაფრის სრულად აღდგენა. გვჯერა, რომ მოვახერხებთ, მათ შორის, თქვენი მაგალითით და მჯერა, რომ ევროპა საბოლოოდ შეძლებს, გახდეს ჭეშმარიტად მშვიდობიანი, ერთიანი და თავისუფალი, დემოკრატიულ უკრაინასთან, საქართველოსთან და დემოკრატიულ რუსეთთან ერთად. ეს ჩვენს საერთო ინტერესშია", - აღნიშნულია წერილში.

რუს ოპოზიციონერ აქტივისტს, კრემლის კრიტიკოსს ვლადიმირ კარა-მურზას 25 წლით თავისუფლების აღკვეთა მიესაჯა სახელმწიფოს ღალატისა და სხვა ბრალდებებისთვის, რომლებიც რუსეთის მიერ უკრაინაში წამოწყებული ომის კრიტიკას უკავშირდება.

კარა-მურზა 2022 წლის 11 აპრილს, საკუთარ სახლთან დააკავეს. დაკავების მიზეზად პოლიციამ განაცხადა, რომ პოლიტიკოსი „პოლიციის ოფიცრების დანახვისას არასათანადოდ იქცეოდა, იცვლიდა გადაადგილების ტრაექტორიას და [პოლიციის მხრიდან] გაჩერების მოთხოვნის შემდეგ მიმალვა სცადა".