თბილისის მერის გადანახული ქონება
ფულის გადარჩენის ოპერაცია - რას ამბობს კალაძე დროების ექსკლუზიურ ინფორმაციაზე. დედაქალაქის მერი ევროპული ბანკებიდან თანხების დუბაიში გადატანას არ ადასტურებს. თუმცა რამდენიმე დღის წინ თავად თქვა, რომ ევროპულ ბანკებს აღარ ენდობა. კიდევ ერთი კითხვა პარიზში, რუსეთის საელჩოს წინ ნაყიდ ბინას უკავშირდება, რომელიც კალაძემ ახალ დაფუძნებულ კალა კაპიტალზე გააფორმა, შესაბამისად მერმა ის დეკლარაციაში საერთოდ არ შეიტანა.
