სულაკაურის დირექტორი: ვვარაუდობთ, რომ კიდევ ერთი რუსული კანონის, ცენზურის დაანონსებაა

ფორმულასთან ინტერვიუში აცხადებს სულაკაურის გამომცემლობის დირექტორი, თინა მამულაშვილი.

ბოლო პერიოდში ქართულმა ოცნებამ ჰომოფობიური რიტორიკა გააქტიურა და პროპაგანდისტული მიზნებისთვის, სხვადასხვა ადამიანებსა თუ დაწესებულებებს თავს ესხმის. ერთერთია სულაკაურის გამომცემლობა, რომელიც ე.წ. ლგბტ პროპაგანდაში მათ შორის პრემიერმინისტრმა ირაკლი ღარიბაშვილმა პარლამენტის ტრიბუნიდან დაადანაშაულა.

ქართულმა ოცნებამ პროპაგანდა ააგო შარლ პეროს მე-17 საუკუნის ერთერთ ზღაპარზე, რომელიც გამომცემლობამ, დაახლოებით, 10 წლის წინ თარგმნა და დღეს გაყიდვაშიც აღარ არის, რადგან სრულად ამოყიდულია.