სოფელ სალხინოში, ველოსიპედით მოძრავ 15 წლის ბიჭს, მანქანა დაეჯახა

მარტვილის მუნიციპალიტეტის სოფელ სალხინოში ავტოსაგზაო შემთხვევა მოხდა, რის შედეგადაც 15 წლის ბიჭი დაიღუპა.

არსებული ინფორმაციით, მოზარდს, რომელიც ველოსიპედით მოძრაობდა, ავტომობილი დაეჯახა. ის ადგილზე გარდაიცვალა.

პოლიციამ ავტომობილის მძღოლი დააკავა. გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.