სინეგუბოვი: ოკუპანტები ხარკივში მშვიდობიან მოსახლეობაზე ტერორისტულ თავდასხმებს აძლიერებენ

ხარკივის რეგიონული სამხედრო ადმინისტრაციის ხელმძღვანელის, ოლეგ სინეგუბოვის განცხადებით, ოკუპანტები რეგიონში ტერორისტულ თავდასხმებს აძლიერებენ.

"რუსი ოკუპანტები რეგიონის მშვიდობიან მოსახლეობაზე ტერორისტულ თადასხმებს აძლიერებენ, ყველა ხელთ არსებული იარაღის გამოყენებით - არტილერია, ნაღმტყორცნები, თვითმფრინავები, რაკეტები.

ოფიციალური მონაცემებით, ბოლო ერთი თვის განმავლობაში, მტერმა ხარკივის რეგიონი 140-ზე მეტჯერ დაბომბა", - ამბობს სინეგუბოვი.

ხარკივის რეგიონული სამხედრო ადმინისტრაციის ხელმძღვანელი აღნიშნავს, რომ რუსული არმიის სამიზნე ძირითადად სამოქალაქო ობიექტები და რეგიონის მშვიდობიანი მოსახლეობაა.