შსს-მ აქციის მონაწილეების მიერ კალაძის ბანერებზე წარწერების გაკეთებაზე გამოძიება დაიწყო

"ოცნების" შინაგან საქმეთა სამინისტრომ მელიქიშვილის გამზირზე, კახა კალაძის შტაბთან აქციის მონაწილეების მიერ საარჩევნო ბანერებზე წარწერების გაკეთების გამო გამოძიება დაიწყო.

უფრო კონკრეტულად, შსს-ში აცხადებენ, რომ გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანება ან განადგურებას გულისხმობს.

დანაშაული 3 წლამდე პატიმრობას ითვალისწინებს.

ამ მომენტისთვის, კახა კალაძის საარჩევნო შტაბთან საპროტესტო აქცია გრძელდება.

შტაბში მობილიზებულები არიან "ოცნების" ე.წ. ტიტუშკები, რომლებსაც სახე ნიღბებით აქვთ დაფარული.