შაქარიშვილი ჟურნალისტზე თავდასხმაზე: სხვაც გააკეთებს? - სხვასაც მოხვდება "პადლეცი"

ვატო შაქარიშვილმა დაადასტურა, რომ "მთავარი არხის" ჟურნალისტს, გიორგი მამნიაშვილს, ფიზიკური შეურაცხყოფა მან მიაყენა.

"რაც ცხოვრებაში ხდება, ადამიანს, როცა შეურაცხყოფას აყენებენ, ეგ ხდება ხოლმე. არაფერი განსაკუთრებული - ცხვირ-პირში ხვდება იმას, ვინც მონას დამიძახებს. რომ არ მოხვედრია, იმიტომაც ბედავენ ამდენს. სხვაც გააკეთებს? - სხვასაც მოხვდება... სილა [მოვარტყი], „პადლეცი“... თუ არ დაანებებენ ქუჩაში ადამიანების დევნას და შეურაცხყოფას თავს, მიიღებენ უარესს", - განუცხადა "რადიო თავისუფლებას" შაქარიშვილმა.

შაქარიშვილი ფაქტს სოციალურ ქსელშიც გამოეხმაურა.

"ქაშუეთიდან ლოცვიდან გამოსულს ტელეფონმომარჯვებული მანქურთი შემოგვხვდა მონა-მონას ძახილით და მიიღო კბილებში…
იყოს ჭკუის სასწავლებელი, რომ აღარავის გაუბედოთ მსგავსი! ჩვენ არავის თავს არ ვესხმით, მეტიც ზედმეტად ბევრს ვითმენთ!!!
იცოდეთ, რომ შეურაცხყოფაზე რეაქცია აუცილებლად გვექნება!", - წერს ოცნების პროპაგანდისტი.

შაქარიშვილი პოლიციას არ დაუკავებია.

შეგახსენებთ, დღეს "მთავარი არხის" ჟურნალისტმა გიორგი მამნიაშვილმა სოციალურ ქსელში დაწერა, რომ მას გოგოა ხაინდრავა და ვატო შაქარიშვილი ფიზიკურად გაუსწორდნენ. ცოტა ხანში სოციალუყრ ქსელში ფაქტის ამსახველი ვიდეო მასალაც გამოქვეყნდა.