სასტუმრო ამბასადორში გაჩენილი ხანძარი ლიკვიდირებულია, დაწყებულია გამოძიება

თბილისში, სასტუმრო ამბასადორში გაჩენილი ხანძარი ლიკვიდირებულია. ადგილზე საგანგებო სიტუაციების მართვის სამსახურის ინფორმაციით, ადგილზე 16 სახანძრო-სამაშველო ეკიპაჟი მუშაობდა.

როგორც უწყებაში აღნიშნავენ, იყო ცეცხლის გვერდზე მდგომ შენობებზე გადასვლის საფრთხე, რაც მეხანძრე-მაშველებმა აღკვეთეს. დაშავებულების შესახებ ინფორმაცია არ ვრცელდება. ხანძრის მიზეზები უცნობია.

მომხდარ ფაქტზე გამოძიება საქართველოს სისხლის სამართლის კოდექსის 187-ე მუხლით დაიწყო.