სასამართლომ ზურაბ ჯაფარიძესა და ნიკა მოსიაშვილს 2 500-2 500-ლარიანი ჯარიმა შეუფარდა

გირჩი- მეტი თავისუფლების ლიდერებს ზურაბ ჯაფარაძეს და ნიკა მოსიაშვილს 7-8 მარტის აქციების საქმეზე სასამართლომ 2 500-2 500-ლარიანი ჯარიმა შეუფარდა.

ჯაფარიძესა და მოსიაშვილს ბრალად ედებათ წვრილმანი ხულიგნობა და კანონიერი მოთხოვნის დაუმორჩილებლობა [166-ე და 173-ე მუხლები].

მოსიაშვილი და ჯაფარიძე 7 მარტს მშვიდობიან აქციაზე დააკავეს.

ოჯახის წევრების და ადვოკატების ინფორმაციით, ზურა ჯაფარიძეს ფიზიკური დაზიანებები ჰქონდა - მას დაკავების შემდეგაც სცემეს.

9 მარტს ნიკა მოსიაშვილს თავის ტვინის შერყევა დაუდგინდა.

სპეციალური საგამოძიებო სამსახურის განცხადებით, ტექნიკურად იყო დაზიანებული საჯარო დაწესებულებებზე განთავსებული კამერები, რომელთაც 8 მარტის აქციაზე პოლიციელების მხრიდან ზურა ჯაფარიძისა და ნიკა მოსიაშვილის მიმართ ძალადობა უნდა დაეფიქსირებინათ.