საპროკურორო საბჭოს თავმჯდომარედ შოთა ტყეშელაშვილი აირჩიეს, ის ერთადერთი კანდიდატი იყო

საპროკურორო საბჭოს თავმჯდომარე შოთა ტყეშელაშვილი გახდა. კონკურსში ის თავმჯდომარეობის ერთადერთი კანდიდატი იყო.

ტყეშელაშვილს საბჭოს 15-ვე წევრმა ერთხმად დაუჭირა მხარი.

საპროკურორო საბჭო ორგანული კანონით დადგენილი წესით არჩეული 15 წევრისგან შედგება.

თავმჯდომარეს 2 წლის ვადით საბჭო ირჩევს. თავმჯდომარის პოზიციას ამ დრომდე თბილისის პროკურორის მოადგილე მერაბ ჯერანაშვილი იკავებდა.