საქართველოში ლიეტუვის ელჩად დარიუს ვიტკაუსკასი დაინიშნა

საქართველოში ლიეტუვის ახალ ელჩად დარიუს ვიტკაუსკასი დაინიშნა. ინფორმაციას საქართველოში ლიეტუვის საელჩო ავრცელებს.

დარიუს ვიტკაუსკასი საქართველოში ლიეტუვის ელჩის თანამდებობაზე ანდრიუს კალინდრას შეცვლის.

"2024 წლის 6 აგვისტოს ლიეტუვის რესპუბლიკის პრეზიდენტის ბრძანებულებით დარიუს ვიტკაუსკასი დაინიშნა ლიეტუვის რესპუბლიკის საგანგებო და სრულუფლებიან ელჩად საქართველოში", - ნათქვამია საელჩოს ინფორმაციაში.