საგარეჯოში დიდი ოდენობით ჰეროინის შეძენა-შენახვის ბრალდებით ორი პირი დააკავეს

შინაგან საქმეთა სამინისტროს ინფორმაციით, კახეთის პოლიციის დეპარტამენტის საგარეჯოს რაიონული სამმართველოს თანამშრომლებმა დიდი ოდენობით ჰეროინის შეძენა-შენახვის ბრალდებით ორი პირი დააკავეს.

დაკავებულები არიან წარსულში ნასამართლევი 1982 წელს დაბადებული ზ.გ. და 1977 წელს დაბადებული ვ.გ.

"შინაგან საქმეთა სამინისტროს კახეთის პოლიციის დეპარტამენტის საგარეჯოს რაიონული სამმართველოს თანამშრომლებმა, გატარებული ოპერატიული ღონისძიებებისა და საგამოძიებო მოქმედებების შედეგად დიდი და განსაკუთრებით დიდი ოდენობით ნარკოტიკული საშუალება „ჰეროინის“ შეძენა-შენახვის ბრალდებით წარსულში ნასამართლევი პირები: 1982 წელს დაბადებული ზ.გ. და 1977 წელს დაბადებული ვ.გ. დააკავეს. დანაშაული 20-წლამდე ან უვადო თავისუფლების აღკვეთას ითვალისწინებს", - წერია უწყების განცხადებაში.