![კოალიცია: უზენაესი სასამართლოს 3 ახალი წევრის არჩევით ევროინტეგრაციის პროცესი ზიანდება](https://fl-cdn.fms-static.com/cdn-cgi/image/fit=cover,width=600,height=338,format=auto/84dd5a75-017e-4c53-b82d-78f6368dd5df.jpg)
ფინანსთა სამინისტროს საგამოძიებო სამსახურის ცნობით, სხვისი სასაქონლო ნიშნის მართლსაწინააღმდეგო გამოყენების საქმეზე ერთი ადამიანის მიმართ სისხლისსამართლებრივი დევნა დაიწყეს.
უწყების ცნობით, ბრალდებული იმერეთის საამქროში ფეხსაცმელებს ამზადებდა და Adidas-ის სასაქონლო ნიშნით ყიდდა.
"გამოძიებით დადგინდა, რომ ბრალდებულს, იმერეთის რეგიონში მოწყობილი ჰქონდა საამქრო, სადაც დაქირავებული პირების მეშვეობით აწარმოებდა და რეალიზაციას უწევდა Adidas-ის სასაქონლო ნიშნით უკანონოდ ნიშანდებულ სპორტულ ფეხსაცმელს. საგამოძიებო მოქმედებების შედეგად, ამოღებულია სარეალიზაციოდ გამზადებული Adidas-ის სასაქონლო ნიშნით უკანონოდ ნიშანდებული 6 000 ლარის ღირებულების 100 წყვილი სპორტული ფეხსაცმელი, ასევე ამოღებულ იქნა Adidas-ის დიდი ოდენობით სასაქონლო ნიშანი და სპეციალური ბრენდირებული შტამპი", - წერს უწყება.
გამოძიება საქართველოს სისხლის სამართლის კოდექსის 196-ე მუხლის პირველი ნაწილით, მიმდინარეობს, რაც 2-წლამდე თავისუფლების აღკვეთას ითვალისწინებს.