საჩხერეში 17 წლის მოზარდმა მეორე მოზარდი მოკლა

საჩხერის მუნიციპალიტეტის სოფელ გორისაში მკვლელობა მოხდა.

არსებული ინფორმაციით, 17 წლის მოზარდმა 18 წლის ბიჭი მოკლა. ურთიერთ შელაპარაკების ნიადაგზე ერთ-ერთმა მოზარდმა მეორე ცივი იარაღით გულში დაჭრა. დაჭრილი საჩხერის საავადმყოფოში გადაყვანის შემდეგ გარდაიცვალა.

მკვლელობაში ბრალდებული დაკავებულია.

განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს.