"კი ევროპას - დაიცავი შენი მომავალი" - დღეს თბილისში აქცია გაიმართება
"კი ევროპას - დაიცავი შენი მომავალი" - ამ სახელწოდებით, დღეს, 19:00 საათზე, პარლამენტის უკანა ეზოში საპროტესტო აქცია გაიმართება.
ორგანიზატორების თქმით, აქციის მიზანი იქნება, გააპროტესტონ ქართული ოცნების პოლიტიკა და აჩვენონ ევროკავშირს, რომ საქართველოს მოსახლეობას სურს ევროპა.
"ევროპისკენ სავალი გზა ჩვენი ნებითაა არჩეული", - ამბობენ აქციის მონაწილეები.
სამოქალაქო აქტივისტები შეკრებას თსუ-სთან აპირებენ, შემდეგ მსვლელობით ევროკავშირის ოფისისკენ გადაინაცვლებენ, ბოლოს კი პარლამენტთან მივლენ.
ისინი ევროკავშირის რეკომენდაციების შესრულებას, სინდისის პატიმრების ციხეებიდან გათავისუფლებას და დრაკონულად მიჩნეული კანონების გაუქმებას ითხოვენ.
ევროკავშირის პირობების შეუსრულებლობის შემთხვევაში, საქართველოს ევროპასთან უვიზო მიმოსვლის დაკარგვა ემუქრება - ოცნებას ბრიუსელმა ვადა 31 აგვისტომდე მისცა.
