რუსული ძალების მხრიდან ხარკივისა და დონეცკის დაბომბვის შედეგად 7 ადამიანი დაიღუპა

უკრაინის ცნობით, რუსული ძალების მხრიდან ხარკივისა და დონეცკის დაბომბვის შედეგად 7 ადამიანი დაიღუპა, 5 კი დაშავდა.

დონეცკის რეგიონული სამხედრო ადმინისტრაციის ხელმძღვანელის, პაველ კირილენკოს თქმით, რუსმა ოკუპანტებმა 5 მშვიდობიანი მოქალაქე ავდიივკაში მოკლეს. ასევე, ტერიტორიაზე მყოფი კიდევ 4 ადამიანი დაშავდა.

ხარკივის რეგიონული სამხედრო ადმინისტრაციის ხელმძღვანელის, ოლეგ სინეგუბოვის ინფორმაციით, ხარკივის ოლქში, კუპიანსკის სოფელ დვურეჩნაიაში 2 მოქალაქეა დაღუპული. ამასთან, დაშავდა 1 ადამიანი.

უკრაინის ოფიციალური პირების ცნობით, გუშინ, ოკუპანტებმა ჩუგუევსკის რაიონში, ქალაქი ვოლჩანსკიც დაბომბეს. დაზიანდა მინიმუმ 3 საცხოვრებელი კორპუსი და საავადმყოფო.