რუსეთმა სუმის ოლქი დაბომბა, დაიღუპა ოთხი ადამიანი

სუმის ოლქის ადმინისტრაციის ინფორმაციით, 30 სექტემბრის გამთენიისას, სოფელ ჩერნეტჩინაში რუსული საბრძოლო დრონის თავდასხმის შედეგად,一 ოთხსულიანი ოჯახი დაიღუპა.

პროკურატურის მონაცემებით, დაიღუპნენ 35 წლის კაცი, მისი 26 წლის მეუღლე და მათი მცირეწლოვანი შვილები – 4 და 6 წლის ასაკის ბიჭები.

დაზიანდა საცხოვრებელი სახლი, სადაც ოჯახი ცხოვრობდა. ასევე, უკრაინის ეროვნული პოლიციის ცნობით, დრონებით დაბომბვისას დარტყმები კიდევ რამდენიმე დასახლებულ პუნქტზე განხორციელდა.

რუსულ მხარეს აღნიშნულ ფაქტზე კომენტარი ჯერჯერობით არ გაუკეთებია.

სოფელი ჩერნეტჩინა, სადაც ტრაგედია მოხდა, რუსეთის საზღვრიდან დაახლოებით 17 კილომეტრში მდებარეობს.