რუსეთმა ოდესის საპორტო ინფრასტრუქტურაზე იერიში მიიტანა
31 მაისის საღამოს რუსებმა ოდესის საპორტო ინფრასტრუქტურაზე სარაკეტო იერიში მიიტანეს. ინფორმაციას ამის შესახებ ოლეჰ კიპერი, ოდესის ოლქის სამხედრო ადმინისტრაციის უფროსი ავრცელებს.
ირკვევა, რომ თავდასხმის შედეგად 2 ადამიანი დაშავდა, რომლებიც ამ დროისთვის სამედიცინო დაწესებულებაში არიან გადაყვანილნი.
"საღამოს მტერმა დაარტყა ოდესას, წინასწარი ინფორმაციით, ეს იყო ბალისტიკური რაკეტა, რომელსაც კასეტური საბრძოლო მასალა გადაჰქონდა. რუსი ტერორისტების სამიზნე პორტის ინფრასტრუქტურა იყო", - თქვა მან.
