რუსეთის სარაკეტო იერიში კუპიანსკზე

51 დაღუპული, მათ შორის ექვსი წლის გოგონა- ასეთია ბოლო მონაცემი უკრაინიდან, სადაც საოკუპაციო ძალებმა სოფელი დაბომბეს. შვიდი ადამიანი მძიმედაა დაშავებული. იერიში ისკანდერის ტიპის რაკეტით მიიტანეს. მომხდარს ესპანეთიდან გამოეხმაურა უკრაინის პრეზიდენტი და ომის დანაშაულად შეაფასა. დასახლებული პუნქტის დაბომბვის ფონზე რუსეთის პრეზიდენტი ამბობს, რომ კრემლს ომი არ სურს. პარალელურად კი ყირიმში უკრაინის სადაზვერვო დანაყოფების მორიგი წარმატებული ოპერაცია მიმდინარეობს.