რუხაძე სანქციებზე: რატომ უნდა დაჯარიმდეს ივანიშვილი? რა დააშავა? საგარეო კურსი არ შეცვლილა

სამთავრობო პროპაგანდისტული იმედის მფლობელი, ირაკლი რუხაძე ამბობს, რომ სანქციებს არ ელოდება.

მისი თქმით, სანქციებმა რუსეთში არ იმუშავა.

"რა თქმა უნდა, ნებისმიერი სანქცია, რომელიც არ მუშაობს არანაირად და უტვინოა, დააზიანებს [ბიზნესს]. რა თქმა უნდა, არ მუშაობს [სანქციები]. მე ჩემს სანქციებს არ ველოდები, მაგრამ სანქციები რომ არ მუშაობს, შეგიძლიათ უამრავი წაიკითხოთ ეკონომისტების აზრი. რუსეთში იმუშავა სანქციებმა?! არ იმუშავა, რა თქმა უნდა", - ამბობს ის TV პირველთან.

მისი მტკიცებით, საგარეო კურსი არ შეცვლილა და ივანიშვილი არ უნდა დასანქცირდეს.

"რატომ? რატომ უნდა გამკაცრდეს ივანიშვილის წინააღმდეგ? რა დააშავა? რატომ უნდა დაჯარიმდეს? არ არის [საგარეო კურსი] შეცვლილი. სად არის შეცვლილი? რა თქმა უნდა, არ არის", - განაცხადა რუხაძემ.