ფონიჭალაში, სკვერში ორ ბავშვს მანქანა დაეჯახა, ისინი კლინიკაში გადაიყვანეს

ფონიჭალაში, სკვერში ორ ბავშვს მანქანა დაეჯახა. შემთხვევა გუშინ, საღამოს საათებში მოხდა.

მძღოლმა საჭე ვერ დაიმორჩილა და სკვერში შევარდა. დაშავებული ბავშვები საავადმყოფოში გადაიყვანეს.

ექიმის თქმით, მოზარდებს კლინიკურ-ლაბორატორიული კვლევები ჩაუტარდათ, ორივე მათგანს ქალა-ტვინის ტრავმები აღენიშნება და შემდგომი დაკვირვების მიზნით სტაციონარში რჩებიან.

"კლინიკაში მოყვანილია ორი პაციენტი ფონიჭალიდან, გოგონა 13 წლის და ბიჭი 12 წლის. გოგონას მიღებული აქვს ქალა-ტვინის ტრავმა და აღენიშნება დიდი ზომის ჭრილობა, თავის ტვინის შერყევა, ხოლო ბიჭის, ანალოგიურად ქალა-ტვინის ტრავმა აქვს, სისხლდენა მარცხენა ყურიდან და მარცხენა ზედა კიდურის რბილი ქსოვილების დიდი ნაფლეთოვანი ჭრილობა"- აცხადებს ექიმი.

შსს-ს ინფორმაციით, გამოძიება სისხლის სამართლის კოდექსის 276-ე მუხლითაა დაწყებული, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.