ფეიქრებთან მატარებელი სამუშაო პლატფორმას დაეჯახა - დაღუპულია 2 ადამიანი

თბილისში, ფეიქრებთან მატარებელი სამუშაო პლატფორმას დაეჯახა. გავრცელებული ინფორმაციით, დაღუპულია რკინიგზის 2 თანამშრომელი, რომლებიც გეგმიურ სამუშაოებს ასრულებდნენ.

მატარებელი ბათუმიდან თბილისის მიმართულებით მოძრაობდა. წინასწარი ინფორმაციით, მატარებლის მგზავრებს შორის არავინ დაშავებულა.

მატარებელი ავარიულად არის გაჩერებული და მგზავრებს გარეთ გამოსვლის საშუალება ჯერ არ აქვთ. შემთხვევა დიდუბე-ავჭალის მონაკვეთზე მოხდა.

ადგილზე მობილიზებულია სასწრაფო დახმარების ბრიგადები.